Zakataka

منين باش نبدى نبارك في هالثورة المجيدة (ثورة الياسمين شم وتعدى ) من : بن علي وزوجته اللي يعيشوا فين بيت ربي معززين مكرمين ، الى صخر الماطري وزوجته بالبيت الفاخر والحياة الكريمة في قطر الى بلحسن الطرابلسي وعائلته على اليالي في الكازينوات والايام الحلوة في محطات التزلج ، الاقامة الفاخرة التي يحظى بها الطرابلسية في السجون الفاخرة ، عائلة بن مبروك البريئة التي ما انفكت تعاون في اقتصاد البلاد بمشاريعهم وبنوكهم المكتسبة الكل بعرق الجبين بعد الثورة ، الى شهبندر التجار الهادي الجيلاني وذلك بعد تولي الشيخ مورو الدفاع عنه كرمز من رموز الثورة(ومادام سيدنا الشيخ عطا فيه كلمة ما يجي كان رجل صالح ومتدين وربي يزيدو مادامو يدفع الزكاة فانو يخدم البلاد) الى السيد الباجي قائد السبسي بعد توليه رآسة الوزارة وتقاضيه لمبلغ 245000 دينار كمنحة على تواضعو انو سير البلاد ، الى سيد فرحات الراجحي الي بعد كلمة الحق الي قالها ماعادش عندو الحق في ادلاء اي تصريح وكان يدور يمين او يسار طيحلو حصانتو ، الى السيد المنصف المرزوقي برآسته للجمهورية بعد سنوات النضال الطويلة في بلاد الكفار الي طالما يستعمرو فينا و ذلك بعد نزعه للكرافات الي كان مرغم على ارتداءها كما كان مرغما على مساندة الكفار ايتام فرنسا الذين خرجوا للشارع لتحقيق مسار الثورة واتباع ايديولجياتهم حتى نصل الى ما نبتغي ( بالطبيعة دكتورنا الحقوقي نحى عنو كل هذه المميزات لانو الكرسي الجديد بعد الثورة لازمو واحد يقبض ويهدد الكفار فالاسلام هو الحل )، الى شيخنا راشد الغنوشي( الذي طالما اقر ان الخروج عن الحاكم امر لا يجوز في الشريعة وان النسب والعلاقات ليس لها مكان في التعينات بل الكل في ميزان واحد الا وهي الكفاءة) بتقمصه مركز سفير النوايا الحسنة (ولو انو ما نعرفوش مركزو شنوة ) الي خلا سيدنا يعمل دورة شاطح باطح بين امريكيا وتركيا وقطر ، نبارك ايضا الىً الاخ حمادي جبالي بمناسبة توليه رآسة الوزارة الا هو المبشر لنا بالاشارة الربانية وتحرير القدسً (و حليفنا الاستراتيجي في المنطقة الولايات المتحدة الاسلامية بامريكا)، الى السيدة العقربي على الحياة التي تلقاها في عاصمة الانوار بعد تسهيل سفرها على متن الخطوط التونسية ، الى سمير الوافي و رجوع برنامجه في الصراحة نهضة الذي ما انفك به يدعم المسار الاعلامي الحر والمستقل ، الى الحركات السلفية الجهادية لتي اصبحت تلاقي الدعم ولو حتى بالحياد في ظل قيادتنا المنتخبة المطولة الجديدة ( من اعتصام في الكليات ودفاع عن الموقوفين المتهمين في الخارج وصولا بالامر بالمعروف والنهي عن المنكر ولو حتى كان ثمن ذلك تعطيل سير الاقتصاداو قتل ابرياء ) . لن ننسى طبعا السيد العجيمي على الترقية بما انو كان عضو فعال في الثورة والقناصة الكل الي احنا غلطنا في حقهم والي هومااول ناس تاثرت بالثورة هاذي وعرضت صدورها للحجر وتعرضت للاشتم من قبل فئة تفسد في البلاد (ربي يهديهم الي كانو سبب الكرتوشً كان دفاعا عن النفس) ... وبالطبيعة القائد الاعلى للقوات المسلحة الي مالجيشً والدفاع مشا القطر يجيبلنا في الاستثمارات ....هكا انشاء نكون ما نسيت حد ما باركتلوش على هذه الثورة المجيدة ، وكانكم على ابناء الشعب المتضررين ( من جرحى او العاطلين عن العمل ) والامهات الي مازالت تبكي على اولادها ما عليهم كان يكبسو رواحهم ويفيقوا مالنوم يشدو ترينو الثورة جاية يلقاوشي بلاصة ويخطاوهم من شعارات الفارغة كيما شغل حرية كرامة وطنية خاطر الحكاية ظهرت ما توصلش كل عام وبلاد العجاءب بخير .وانا كانكم عليا فبربي اعطيوني بلاكا نحب زاكاتاكا !!