Força lé tou3ad ya madam sou3add!!

Ba3d mé 5ergetena sayedet tounes aloula w 9altena rana bech njibou sa7a w ta3lim .... Mel bazarrr mta3 london 7atta tattha9f lmra etounseya wetwalli mastoura lyoum nel9aou rwe7na m3a chaba7 ethani lel majless etafsisi madam sou3bolla 3ala wazn cha3bola fi aouel força 3a live te3lemna elli omahet tounes el 3azibet lezemhom min tawa ya ychoufou courda behya yé ygal3ou mil blédd !!!! Ey n3am sou3bolla 9altena yelli mathlouma wm3arssa 3orffi wmal9itech lchkoun techki , yelli ghlott fi soghrek wmel9itech 9anoun ya7mik , wyelli ... Rana a7na menech taliban na7na ntab9ou fi islem 7adethi mafamech jald wrajm juste rana manech mest3rfin bikom wentom choufou chta3mlou 7arbchou endbou naw7ou a7r9ou lkol mechi lel masl7a . Eyyyy ya sou3bollah pharmacienne wtefhmelha chbik rahou lmojtama3 tounssi fih ken lmra lmedeyna el moslima elli mi dar lejeme3 w mejeme3 ldar el be9i lkol rahom wasmt 3arrrr lyoum 9oltena haka w ghodwa ech bech ta3mel bel 32% elli mtalginnn ? Barri ha sou3bollah yothhorli fik enti w bint le5riji ghaltin fil adrissabarrou lsidetkom banana fi qatar barou on9choulha chwaya 7ar9ouss 3ala chwaya 7inna ta3tikomech maketeb rabbi mil friiip louis viton elli 3andha ,5akhter wa9ila mekomech fehmin ela3ba fi touness . Ti mele5er dawwww777777i !!!

Bint le5riji

Golna sellem , lyouma 3asbe7 9ritt article mta3 sayedet touness el oula el metrach7a lel majless tafsisi o5tokom Sou. 5riji . Sou 9altena elli fama barcha moundassin fil mojtama3 etounssi y7arthou 3al i3tisamet w legrévét wezedet 9altena ellènssè elli ybadiou bel bal3a w jupe el mini w fi fomhom sigarou m3andhoumch l7a9 y3atiou rayhom . Behi yesser ama z3ama ya Sou ki koent t3ich fi london w darkom bjnabha 100 tbarna w ki koent t7aouess fi Harrods énssé elli rithom lkol moundassin welli yetkayfou lkol fakitelhom essigarou wela koent t7ouess bjbayeb fi sakek welli tel9aha lebssa lmini tejri tosterha .... Fi beli enti w bouk snin wentom haw mo3tassmin haw mggarffin haw ji3anin ... Tawa elli ye3tassem ma3andouch l7a9 ..... Bennesba lel 7orreyet ejdida w 7ou9ou9 elmr2a elli ta7ki 3alihom , yothhorli fik ghalta fil mojtama3 5ahter ya lela fi tounes lemra 3andha el 7a9 fi ta3lim w esa7a mouch nesannaou fi bint le5riji bech tjibhouna w naou3eyet ensaé elli ta7kilna 3alihom melhom ella bnet tounes 7abbiti wela ma7bitich w mele5er haw bech nchoufouk enti wel 41 elli nhar kemel ta7kilna 3alihom bech thezhom m3ak lel majless tafssisi ech bech ta3mlou . Et surtt rodi belek tzid ta7kilna 3al mini wel bal3a 5ater wa9tha cha3bna yo9le9 daw777777iii!!

blog jdid lugha jdida

bon yomkon barcha ness ken ta3ref annousayadi lblog lgdim tebeht a3l lblog hetha w lougha elli fih  ,lyouma b blog jdid w esmm jdid !! 3allech ?
 ya sidi 9bal ethouara kennet  elougha fil 7ouem cha3beya  'sa7bi wa9tech no5rjou min hal 7ofra'  haka bdet la7keya elli to3rthou ya7kilek a3l 7ofra w maadrak mal 7ofra , 7ofra kbira lammet ennes lkol me zaweli lel batal leli 3andou jagwar fi dar ama barcha nsaouha el 7ofra wa9tech wa9telli ness lkol wellet te7lem bech to5rej minha le 14 !! w wallit ki ndour wenesma3 sa7bi saleknaha ma3adech bech ntaoulou fil 7ofra 3agebnaha a3l 7affar ... heka a3llech a5tart leblog 7for jam3 7ofra !!
lougha jdida heya loughetna derja ha layemet barcha chedeinili ya ema fi ta3rib elougha  ya fi vous etes des froncophones ....9olna a3d bech maywelich takssir batata mil man haw blog louled echa3b bloughet echa3b   :) .
 Aya sidi mela mel youm blog bederja welli meyefhemchi ngouloulou daw7iiiiiiiiiiiiiiiiiiiiiiiiii !!
                                                                                                                             7ofra